NATIONAL NEWS– Padayon nga tutumanon han Presidential Anti-Organized Crime Commission (PAOCC) an ira mandato ngan order ni Pangulong Ferdinand Marcos Jr. nga igpatuman an ‘total ban’ han mga Philippine Offshore Gaming Operations (POGO) ha sulod han nasud.
Ine in mahuman nga bumutho an mga small POGO hubs ha magkalain-lain nga tay-aw nga lugar ha Pilipinas.
Pag-esplikar ni PAOCC Spokesman Winston Casio, gintagan la hin 8 kabulan han Pangulo an ira buhatan para mapoypoy an POGO hubs ha nasud.
Sanglit sunod-sunod an nagigin raid operation han mga ine ha mga hubs para ha dayon na nga dispersement han mga ine ngan lauman gihapon an mahugot nga operasyon ha masunod nga adlaw.
Labot la paglimpyo ngan pag-raid han mga hubs ha nasud, magdudumara gihapon an mga ine hin rescue operations ha mga pagdudumaraon nga raid ngan makikipagsumpayan gihapon an mga ine ha iba nga ahesnya para magin maupay an pagdumara han operasyon.
