NATIONAL – Ginkikita han Presidential Anti-Organized Crime Commission (PAOCC) an pagpapa-deport han sobra 1,000 nga mga Philippine Offshore Gaming Operations (POGO) workers ha sulod la han 2-3 kasemana.
Sumala kan PAOCC Executive Director Gilbert Cruz, an mga POGO workers in mga naka-detine ha ilarom han kustodiya han PAOCC temporary detention facility ha Pasay City.
An pira manggud han mga ine in nagpailarom ha dialysis ngan gintatambal mahitungod ha HIV ngan pira pa nga sakit, sanglit ginkikita kun akos nga mai-proseso an mga deportation han mga nasabi nga POGO workers mahitungod nga usa-usa manggud in kinahanglan butangan hin dokumento an kada trabahador mahitungod nga kadam-an ha mga nadakop ngan nagpapabilin ha nga pasilidad in waray mga pasaporte.
Samtang, dugang pa naman ni Cruz, an mga kaso han mga deportees nga waray pasaporte in igin daop na han ahensya ha mga embahada agud matagan hin one-time travel document pabalik ha ira kada-tagsa nga nasud.
