NATIONAL – Nagsalawad hi Senador Robinhood Padilla hin panukala nga balaod nga magmamando ha ngatnan han public officials, kaupod an presidente han Pilipinas, nga magpailarom ha annual mandatory drug testing.
An pagsasalawad han senador han balaudnon in kadungan han pagbubul-iw ni Nadia Montenegro kumo political affairs officer VI ha iya opisina.
Ha ilarom han Senate Bill No. 1200, o an panukala nga “Drug-Free Government Act, nga panuyo nga amyendahan an Republic Act 9165 o Comprehensive Dangerous Drugs Act of 2002, in oobligahon nga magkamay-ada hin annual hair follicle drug test para ha ngatanan han mga ada ha gobyerno, tikang ha lokal nga opisyal ngada ha mga igintudlok ha mga government-owned and controlled corporations (GOCCs).
Labot ha annual drug test, gin aaghat gihapon an mga kandidato nga magpailarom ha voluntary random drug testing ha sulod han 90 kaadlaw ugsa an adlaw han piniliay.
In kaso nga magpositibo ha paggamit han iginbabawal nga droga an usa nga opisyal, pwede ine magserbi nga basaranan para ha administribo nga kaso nga posible naman magresulta hin suspensyon o dayun nga pagkatanggal ha serbisyo.
