TACLOBAN CITY – Kinahanglan anay nga makompleto ngan maayad an pantalan nga duduungan han RoRo vessel nga gintugutan han MARINA nga makabiyahe patabok ha Samar ngan Tacloban ugsa ine pabiyahe-an hin paru-padayon.
Ine an sumala kan Office of Civil Defense Regional Office VIII Regional Director, Lord Byron Torrecarion .
Gintugutan manggud han MARINA an LCT Aldain Dowey, usa nga cargo RoRo vessel, nga makabiyahe ha Tacloban–Amandayehan Basey, Samar vice versa nga ruta para magtabok han mga mabug-at nga mga sarakyan.
Dugang pa ni Torecarrion, naglalaum hira nga mahuhuman na an pag-ayad ha may pantalan ha Basey, Samar agud sunod nga semana in magin operational na an nasabi nga ruta.
Ha pagkayana gudman in uusa pala nga ruta an operational an biyahe, amu an Calbayog – Ormoc vice versa nga ruta.
