TACLOBAN CITY – Nakatalaan nga igpandistribwer han Commission on Population (POPCOM) an nagkaabot nga mga bago nga supply hin mga family planning commodities ha magkadurudilain nga local government units (LGUs) ha Eastern Visayas.
Sumala kan Reyan Arinto, Information Officer han POPCOM Region 8, yana nga tuig in mas ginpakurukusog nira an mga family planning activities ngan caravan tungod han nahipatik nga paghataas hiton kaso han unplanned pregnancy dida han nakalabay nga tuig mahuman nga magpatuman hin mga lockdowns.
Nagkamay-ada naman hin gutiay nga delay ha pag abot han ira mga supply tikang ha national ngan ha pandeliver ha mga LGUs matungod han ginpapatuman nga mga granular lockdowns tungod hiton pandemic.
Gin-aaghat naman hini an mga magtiayon nga diri mag alang nga pumakadto ha ira mga health centers para mag avail han libre nga mga family planning commodities sugad han condoms, pills ngan subdermal implants.
