-- Advertisements --
NATIONAL NEWS– Kasado na an pagbubuhaton nga 3 ka adlaw nga transport strike han grupo nga MANIBELA ha masunod nga semana kinatikangan ha Miyerkules, August 14 kutob ha August 16.
Kasunod ini han anunsiyo ni Pres. Marcos nga madayon an modernisasyon ha luyo han Senate resolution nga suspenderon anay an Public Transport Modernization Program.
Sumala kan MANIBELA Chairman Mar Valbuena, nga daw waray kabasa hin bug-os han Presidente an resolusyon han senado sanglit waray hini kasabti kun ano an rason han pagsususpinde.
Samtang, kun babawion naman han Presidente an iya pahayag ngan pamamatian an Senado in iguundang naman an nasabi nga tulo ka adlaw nga transport strike ngan maghahatag gihapon hira hin libreng sakay para ha mga molupyo.
