TACLOBAN CITY – Padayun itun ginbubuhat nga monitoring han City General Service Office may paghisumpay han pangolekta han basura ha syudad han Tacloban.
Sumala kan Engr. Leo Parado, Head hiton City General Service Office, gin-iintensify ha pagkayana itun pangolekta han basura kay may-ada manggud na obserbahan nga backlog ngan dayun naman ine gin aaksyunan nga makuha.
Subay han mao nga opisyal, may-ada iginpasamwak yana han mao nga opisina nga “LIMPYO TACLOBAN” labi ha may downtown area kun diin may-ada na hine mga nagpaka toka nga indibidwal nga ninilhig.
Dugang pa hine, may-ada la naka assign ha pan-aga ngan pan gab-i nga nanlilimyo tikang ha may magallanes tipa astrodome nga dapit.
Panuyo naman hine nga programa in para mamentenar itun kalimpyo han syudad han Tacloban ngan ha pagkayana in padayun naman itun ginbubuhat nga monitoring para han may-ada mga backlogs agud nga dayun ini maaksyunan.
