TACLOBAN CITY – Gin-usa usa na han Police Regional Office 8 an pangilal-an han mga Private Armed Groups nga nag-ooperate ha iba – iba nga parte han Samar.
Sumala kan Police Chief Superintendent Gilberto Cruz, Regional Director han Police Regional Office VIII, ginsisiguro han ira buhatan nga labot la han ngaran han mga PAGs member in iglalakip gihapon ha intelligence gathering an litrato ngan involvement hini ha mga krimen agud nga maiwasan an mistaken identity.
Kun in kaso may warrant an mga ini, hira in aarestuhon dayon ngan kon kinahanglan hin search warrant in tatagaan an mga ini.
An kaparte han pamahayag ni Police Chief Superintendent Gilberto Cruz, Regional Director han Police Regional Office VIII
Dugang pa ni Cruz nga hahabulon gihapon nira adton mga personalidad nga nagpopondo han mga private armed group gamit an kwarta han gobyerno ngan naghahatag hin proteksyon ha mga ini.
An kadugangan nga pahayag ni Police Chief Superintendent Gilberto Cruz, Regional Director han Police Regional Office VIII
Una na hini, nagpahayag hi Cruz nga aarestuhon han mga kapulisan an mga private armed group nga nag-ooperate partikular na ha probinsiya han Samar ngan adton may-ada standing warrant of arrest.
