TACLOBAN CITY– Gintikangan na an pangandaman ngan preparasyon para han Station of the Cross ha Cavalry Hill ha syudad hiton Tacloban.
Sumala kan Ricardo Ogardo, Brgy. Kapitan han Brgy. 39 Calvary Hill, Tacloban City, timprano pa dida han syahan nga bulan han tuig in nagsumite na hira han ira mga kinahanglan para hiton iton ira mga pangandaman nga pagbubuhaton para hiton Station of the Cross.
Naghangyo na daw gihap an mga ine para han ira tinuig nga pintura nga gingagamit para han paghingayad han nasabi nga lugar ngan iba pa nga kinahanglanon para han pagpreparar han para han tiarabot nga semana santa.
Dugang pa hine, nag-aksyon naman dayun iton buhatan hiton Mayor kun diin dida daw han nakalabay nga adlaw in nakadto ha ira lugar an mga tawo hinr para panginanuon an nasabi nga lugar.
Mababaruan nga usa an Station of the Cross ha Calvary Hill ha mga ginbibisita han katawhan kada naabot iton semana santa kun diin dire la tikang ha sulod han syudad an napakadto, kundi kaupod gihapon an tikang ha gawas han syudad.
