TACLOBAN CITY – Nakalatag na an mga aktibidadis nga pagbubuhaton buwas nga adlaw kumo pagtigaman han panhitabo han Super Typhoon Yolanda han tuig 2013.
Sumala kan Malou Tabao, Head han City Tourism Office han Tacloban City, human na nga ma-mintar ngan mag-renovate han mga memorial site ha Holy Cross, mass grave ha Anibong, ngan Yolanda marker ha Astrodome.
Magkakamay-ada naman hin magkaduru-dilian nga aktibidades an syudad nga may paghisumpay hiton ika-9 nga Commemoration han Super Typhoon Yolanda.
Magkakamay-ada gihapon hin misa yana nga Nobyembre 7 ha Shipwreck Memorial ha Anibong ngan kinabuwasan naman, Nobyembre 8, in magkakamay-ada hin misa ha Holy Cross dida hiton aga ngan magdudumara gihapon hin candle-lighting didto naman ha City Hall.
An nasabi nga commemoration in amu na an ika-9th anniversary han pag-lasurbo han Super Typhoon Yolanda ha syudad kun diin manunumduman masobra sais kayukot an mga naawatan hin kabuhi matungod han nasabi nga bagyo.
