NATIONAL–Ginkalro ni anay presidential legal counsel nga hi Atty. Salvador Panelo nga kumadto hiya ha The Hague para suportahan hi anay Pangulong Rodrigo Duterte ngan dire kumo myembro han defense team hine ha International Criminal Court (ICC).
Ha usa nga pakipaghimangraw, ginmalatumat ni Panelo nga ginkokonsidera niya nga sangkay an anay Pangulo sanglit gusto niya maghatag hin moral support bago an pagdungog han korte kanit ha kumpirmasyon han mga kaso kontra hine.
Sumala pa kan Panelo, nauna hiya nga bumiyahe ha The Hague upod an iba pa nga supporters hin waray koordinasyon kumo parte han usa nga defense group/
Nabug-os la an ginaalegar nga pormal nga legal team kahuman.
Kalakip ha all-Filipino legal team ni Duterte nga nakit-an ha confirmation hearings kay hira Atty. Salvador Medialdea, Martin Delgra II, Silvestre Bello III, Alfredo Lim Jr. ngan Caesar Dulay.
Bisan nga ginkalipay niya an pagkabug-os han defense team, ginduon ni Panelo nga waray pa hiya opisyal nga papel didi ngan umatender la hiya kumo usa nga observer ngan tagasuporta ni Duterte.
Ginklaro gihapon nga waray niya nakatrabaho o nakaistorya an lead counsel nga hi Atty. Nicholas Kaufman kanit hiton kaso han anay Pangulo.
