NATIONAL NEWS– Magdudumara hin hilarum nga pag-aram parti han Juvenile and Welfare Act an komite han Senate Committee on Social Justice, Welfare, and Rural Development.
Sumala han chairman han komitiba nga hi Sen. Erwin Tulfo, upod ha pag-aadman an Bahay Pag-asa facilities para ha Children in Conflict with the Law, ngan pagbabaton an mga kag-anak ha mga krimen na nahimo han ira mga anak.
Labot hini, pag-aadman gihapon han panel an minimum age of criminal responsibility nga hapagkayana in 15 anyos na, kun magpapabilin ini nga realistic.
Ginpaangbit gihapon han senador nga bisan waray pa hiya magin public servant, nasaksihan na niya an diri maupay nga realidad han Juvenile law. Sumala ha iya, ha maiha nga panahon, may mga biktima han krimen nga ginbuhat han mga menor de edad nga waray mahihimo tungod han pagpatuman han Juvenile Law.
