TACLOBAN CITY – Gin-undang na an pandestribwer hiton tubig ha mga irrigation systems yana nga second cropping season, dida pa han nakalabay nga bulan, hiton Oktubre 2022.
Sumala kan Engr. JoJo Arceno, Engineering and Division Manager han National Irrigation Administration-8, nga yana in katapusan naman gud iton cropping season para yana nga tuig asya waray na man-deliver hiton tubig ha mga umahan ha bug-os nga Eastern Visayas.
Dugang pa hine, magkakamay-ada initial water delivery yana nga Nobyembre liwat para hiton pagtikang hiton first cropping season hiton tuig 2023.
Dida han nakalabay nga semana, aktwal hira nga nagpaawas hiton tubig ha irrigation system ha Abuyog, Leyte dida han ika-3 hiton Nobyembre, dugang pa ni Arceno kun su-subdon an approved cutting calendar dapat nag paawas na ine dida pa han Oktubre 31.
An pag-alutaga hiton tubig para ha mga umahan in para ma balanse iton pag-distribute gihapon hiton tubig irimnon para ha mga kabablayan. An tubig irimnon ngan an tubig para ha irigasyon in parehas la an gin-kukuhaan, an pinagka-iba la hine, in gin-limpyohan ngan gin-filter mangud an tubig nga aton gin i-inom.
