TACLOBAN CITY – Pormal nga gintikangan han Department of Health DOH-8, an kampanya nga Chickiting Ligtas Campaign han buhatan kontra ha Measles, Rubella ngan Polio ha bug-os nga rehiyon 8.
Sumala kan Jelyn Lopez Malibago, Information Officer han DOH-8, nga nanawagan an ira buhatan ha publiko, partikular na ha mga kag-anak nga maki-usa ha ira pagdudumaraon nga month-long celebration nga panbakuna para ha ira mga anak nga nag-eedad hin 0-5 years old.
Dugang pa han mao nga opisyal, nga ine in agud nga makalikay an kabataan ha mga posible nga virus nga madukot ha ira mga immune system.
Gintagan hin duon han mao nga opisyal, nga magigin manilapuson an mao nga aktibidad kun an mga kag-anak in makiki-usa ngan makikipagkoorperar nga updan an ira mga anak nga pabakunahan ngan magkamayda hin proteksyon kontra ha mga sakit.
Ginpahibaro naman han mao nga opisyal, nga magkakamayda yana nga adlaw hin Regional Launching ha Ormoc City para han mao nga Chickiting Ligtas Campaign Activity han mao nga buhatan.
