Gintutudlok han mga otoridad han Germany nga usa nga terrorist attack nga may koneksyon ha Islamist extremism an nahitabo nga pan-araro ha Pride event ha Berlin.
Naganap an insidente harani ha lugar kun diin gingaganap an Christopher Street Day, usa ha pinakadako nga LGBTQ Pride events ha Europa nga gindumara ha Tiergarten Park ha Berlin.
Naadman nga usa an namatay samtang 30 an samaran mahuman araruhon han usa nga busag nga minivan an nasabi nga parade dida han Sabado.
Ginkilala an suspek nga padayon nga ginbibiling han mga otoridad kan Abdul B, usa nga German citizen nga may Lebanese Background nga kun diin, sumala ha mga imbestigador in kagagawas pa la ha juvenile detention duha ka-bulan ugsa an insidente.
Samtang padayon pa an imbestigasyon agud masabtan kun nag-uusahan la an suspek o kun may iba pa ini nga kaupod, mahuman ginmalatumat han pulisya nga posible may sobra usa ka-tawo an lumusad tikang ha sarakyan
