TACLOBAN CITY – Mayda na on-going nga panhatag hin fuel subsidy cards hiton pamunuan han Land Transportation Franchising and Regulatory Board (LTFRB) regional office 8 para ha mga aada ha transport sectors nga kalakip ha listahan nga tatagan han mao nga ayuda.
Sumala kan Veronica Reposar, OIC Chief han Transport Development Officer LTFRB 8, an mao nga subsidiya nga igpapanhatag in abilable na ha ngatanan nga mga branches han Landbank.
An kaudgan ngadaw nga aada ha listahan nga mga PUJ’s in mga kooperatib ngan korporasyon.
Dugang pa hini, mayda pa masunod nga subsidiya nga maabot para ha transport sectors nga ginbabana-bana magtitikang ha katapusan nga semana yana nga Marso o ha Abril yana nga tuig.
An masunod ngadaw nga panhatag in mas damo an makakakarawat nga mga beneficiaries nga aada ha mga transport sectors.
Gin-aab-abi naman han mao nga buhatan ha ngatanan nga mga benipersaryo han mao nga subsidiya nga bumisita ha mga branches han Landbank agud makakuha dayon hin requirements agud makarawat an mao nga subsidiya.
