TACLOBAN CITY – Ha usa nga advisory nga ginpagawas han Leyte Normal University pinaagi han ira Facebook page, in gindiwara hini an mga alegasyon nga iginbabatak ha ira han mga estudyante.
Sumala han mga estudyante in nakakarawat an mga ini hin mga panarhog ha ira tikang naman han pamunuan han unibersidad nga mga nagkomento han natabo nga graduation exercises han nakalabay nga mga semana.
Yakan han unibersidad ha ira advisory nga ginpagawas in gintatagan nira hin importansya an freedom of expression ngan gin uuna an kaupayan han mga estudyante.
Ira gindiwara an alegasyon han gintatawag nga listahan nga ginmomonitor han eskwelahan.
“It has come to the attention of the Leyte Normal University (LNU) the recent Facebook post of An Lantawan alleging that Normalistas are receiving threats and being “added to a list that is monitored by the administration.”
Ginpatapod naman nira nga makikipagsumpayan ini ha An Lantawan para maklaro an mga isyu.
“LNU VEHEMENTLY AND CATEGORICALLY DENIES these serious allegations. As a university committed to academic excellence, LNU upholds the fundamental right to freedom of expression and is committed to the safety and well-being of the students.”
