TACLOBAN CITY – Dire pa gintutugutan iton mga pampubliko nga sarakyan nga waray pa makakuha hin bago nga fare matrix nga magpatuman han pag hitaas hiton presyo han pamasahe.
Ginklaro ni Leo Timplado, Board of Directors ngan Vice Chairman hiton Tacloban-Marasbaras Drivers and Operators Transport Cooperative (TAMADOTCO) nga dire pwed manukot hin bago nga pamasahe adton mga drayber hin pampubliko nga mga sarakyan nga waray pa makakuha hin bago nga taripa.
Dugang pa niya, an mga drayber nga waray pa makakuha han mao nga taripa ngan manunukot hin bago nga pamasahe in pwede matagan hin kaangayan nga multa ngan penalidad.
Ine in daw para dire maglipong an mga manarakay kun mapasahe hira han hitaas na nga pamasahe o magpapabilin la gihapon pag-hatag han daan nga presyo hine.
