Nanawagan hin hustisya an pamilya han namatay nga Ateneo Blue Eagles men’s basketball player nga hi Divine Adili mahuman an kinamutngan han ira anak ha usa nga team buidling activity ha Aurora dida han Hunyo 8.
Manunumduman nga opisyal nga gin anunsyo han Ateneo de Manila University an pagkamatay nira Adili ngan rookie player nga hi Rene Clert Baterbonia mahuman malumos ha gindumara nga aktibidad han koponan ha Dipaculao, Aurora.
Ha usa nga Facebook post dida han Biyernes, iginduon ni Elias Adili, tatay ni Divine, an iya panawagan para ha hustisya ngan pagbaton kasumpay han insidente.
Iginpaangbit gihapon niya an nagin kontribusyon han iya anak ha Ateneo basketball program ngan ha mga internasyonal nga torneo, kun diin sumala ha iya in nagpakita ini hin dedikasyon ngan kakarit.
Ha prehas nga pahayag, ginmalatumat han tatay nga duro an kasubo han ira pamilya ngan iginduon nga an pagkamatay han iya anak in durot han “carelessness.”
Naghuman an iya mensahe ha pagpapahayag han duro nga pagkamingaw ha iya anak.
