TACLOBAN CITY – Dead on the spot an duha nga mga menor de edad mahuman nga pagbun-on han ira stepfather ha may Barangay Barayong, Palo, Leyte samtang kritikal naman an kondisyon han nanay han mga ini ngan 9 month old nga baby.
Ginkilala an suspetsado kan Latorre Lorenzo Ocasla, 33 anyos an pangidaron samtang ginkilala naman an live in partner hini ngan nanay han mga biktima nga hi Jocelyn Rosilio, 33 anyos an pangidaron ngan residenten han mao nga lugar.
Sumala kan Pol. Lt. Col. Joselito Villas, Chief of Police han Palo MPS, subay ha ira imbestigasyon nagkaada daw hin pag-aaway an mao nga maglive-in partner bahin han problema nga pinansyal nga naging rason para pagpamumun-on han suspek an mga biktima.
Dayon naman nga nakakalagiw an suspek ngan ha pagkayana in padayon nga ginhahalpat.
Padayon gihapon nga gintatambal an magnanay nga ada ha kritikal nga kondisyon ha pagkayana.
