HEALTH NEWS – Kabombo, masukot ka ba nga makaabat hin pamamanhod han imo kalawasan?
An pamamanhod kabombo han lawas in kasagaran nga naabat han tawo ngan waray gud ini seryoso o delikado nga implikasyon.
Pero kun ikaw in usa nga typist o encoder, mechanical workers, paraglaba o anuman nga trabaho kasagaran in nakakaabat hin pamamanhod han kamot tungod han carpal tunnel syndrome.
An mao nga kondisyon in nangangaruyag signgon nga an ugat (median nerve) nga naghahatag hin kusog ha aton mga kamot in naiipit. Kinahanglan nga igpahuway mo an imo mga kamot kun makaabat ka hin sugad nga senyales.
An usa pa nga kasagaran nga parte han lawas nga nakakaabat hin pamanhod an hita tungod han pagliningkod o paghinigda. Ini in tungod nga naiipit an sciatic nerve ha parte han aton balakang.
Pero duha ha mas delikado nga rason han pamamanhod han lawas an stroke ngan diabetes.
Bagaman kun dire gud ini nahitatabo hin masukot, may pira nga mga pasyente hin stroke in kasagaran nga nagrereklamo hin pamamanhod han ira lawas.
An diabetes in pwede gihapon nga maging rason hin pamamanhod partikular na ha bitiis o tiil. Kun dire mo mapapabilin an imo blood sugar hin mas habubo ha 120 mg/dl, posible ini nga magresulta ha pagkaguba han ugat.
An mga may diabetes in kinahanglan nga mag-atiman han ira mga bitiis tungod nga an kasagaran nga senaryo in pamanhod han tiil ngan pagkakaada in impeksyon.
Ha mga napasagdan nga kaso pwede in nga magresulta ha amputation o pag-utod han tiil.
