NATIONAL–Nanawagan an Pambansang Lakas ng Kilusang Mamamalakaya ng Pilipinas (PAMALAKAYA) ha bag-o Environment Secretary Juan Miguel Cuna nga dayon nga ig-review an mga aprubado nga reclamation project , labi na an mga nakapalibot ha Manila Bay.
Sumala kan PAMALAKAYA National Chairperson Fernando Hicap, dire na dapat makurian an bag-o nga DENR chief nga tagan hin makatadongan nga pag-review ha mga reclamation projects.
Ginmalatumat niya nga damo nga studies, kalakip na an kalugaringon nga study han DENR, an nagpapakita hin negatibo nga epekto han reclamation ha palibot, pangingisda, ngan pakabuhi han mga residente ha baybayon.
Dugang pa ni Hicap, na-eksperyensyahan han pira nga mga residente an pagkawaray hin pakabuhi ngan mas hitaas nga hulga ha mga kalamidad mahitungod ha danyos durot hiton mga reclamation activities.
Pira ha mga proyekto nga nakakarawat hin Environmental Compliance Certificate kay an 400 ka ektarya nga City of Pearl project ha Manila, 650 ka ektarya nga Davao City reclamation project, ngan 420 ka ektarya nga reclamation project ha Bacoor, Cavite.
