Gin palagan ni Palace Press Officer Claire Castro an pahayag ni Senador Alan Peter Cayetano nga ginbaribaran ni Presidente Ferdinand Marcos Jr. an panukala nga P10,000 nga ayuda.
Ha mensahe hini ha media dida han Sabado, ginmalatumat ni Castro nga magsasalawad an Malakanyang hin ebidensya agud panhimuwaon an alegasyon ni Cayetano. Kasumpay ini han nagin pahayag han senador ha usa nga Facebokk Live kun diin iginduon hini nga ginbaribaran ni Presidente Marcos an iya panukala nga maghatag hin ayuda nga pinansyal ha mga pamilya nga padayon nga apektado han COVID-19 pandemic.
“Magpapakita kami ng ebidensya upang pabulaanan ang kasinungalingan ni Senador Alan,” sumala kan Usec. Castro.
Dugang pa ni Castro, padayon an pagpapasarang ni Cayetano hin mga waray basaanan nga istorya ngan naghihimo hin intriga. Imbes daw nga aminon an kalugaringon nga pagkukulang ha trabaho, gintutudlok la hin an basol ha iba agud masalbar an ira kalugaringon ha kaarawdan ngan iginpapasa pa an trabaho nga diri hini nahihimo.
Syahan na nga ginbuhat ni Cayetano an nasabi nga pahayag mahuman ig-anunsyo han gobyerno an panibag-o nga bugso han ayuda nga maabot ha P12,000 paa ha sobra pito kamilyon nga kablas ngan hamubo an kita nga Pilipino nga naapektuhan han krisis ha lana durot han kasamok ha Middle East.
Ha iya Facebook Live, ginpahayag ni Cayetano nga dida han 2021 kutob ha pagsulod han 2022 in iginsuhestyon niya nga mag-alutaga hin pondo para ha mga dire pa nakakabakdaw tikang ha epekto han pandemya. Pero sumala ha senador, mahuman an pagdaog ni Presidente Marcos in waray na ini tumugot ha nasabi nga panukala.
