NATIONAL – Gin ayat han Malakanyang an mga indibidwal nga nagpapasarang hin fake news kasumpay ha gin post nga litrato ni First Lady Liza Marcos ha iya social media, nga magpagawas hin ebidensya nga edited an nasabi nga litrato.
Sumala kan Palace Press Officer USec. Claire Castro, an mga nagbabatikos in mga waray hibabruan ha nasabi nga meeting.
Dugang pa ni Castro, anu pa da an lalauman ha mga tawo nga waray hibabruan kundi magpasarang hin fake news.
Kun manunumduman, nagpost ha iya FB page hi First Lady Liza Marcos han litrato kun diin ginpahayag hine nga regular meeting han Asian Cultural Council ine nga gindumara ha Pangarap Clubhouse ha Malacañang Park, dida han Sabado han aga.
Mahitungod hine, nagsarang an litrato ha social media nga ginyayakan nga photoshopped o edited ine.
Ha lain nga bahin, maduon naman nga gindiwara han Palasuo nga nabalabgan an First Lady han mga otoridad ha Amerika.
Pumakadto manggud ine ha Amerika para ha usa nga working visit kun diin umatender ine ha Meeting of the Minds ngan Manila International Film Festival.
