NATIONAL NEWS– Dumepensa an Malacañang nga pumalpak hi Pangulong Ferdinand Marcos Jr para papagbatunon an mga dabi ha anomalya.
Mahuman ine ha nagin pamahayag ni Bangko Sentral ng Pilipinas (BSP) Governor Eli Remolona nga posible maurusa utro an Pilipinas ha Financial Action Task Force(FATF) grey list.
Importante ine sumala kan Remolona nga igpakita han FATF nga may mga pitad an Pilipinas para kontrahon an money laundering kaupod an mga dabi ha flood control project anomalies.
Ginmalatumat naman ni Communications Undersecretary Claire Castro nga sayo pa para sirotan ngan yaknan nga pakyas an pangulo.
Natanggal na an nasud ha grey list ngan waray umundang an pangulo ha pagpapa-imbestigar ha mga dabi ha anomalya han flood control project.
Ginkikinahanglan gihapon hin bulig han Anti Money Laundering Council (AMLC) ngan dire la an investigating body an magdudumara hin imbestigasyon.
