Pormal na nga gin abrehan an Palarong Pambansa 2026 ha Patin-ay Sports Complex ha Agusan del Sur, kundiin, subra 13,247 nga mga atleta, coaches, ngam officials tikang ha 20 nga delegations an nag urusa agud ig pakita an talento ngan kakayanan han mga kabataan ha nasud.
Ha nahinabo nga opening ceremony, nakita an mabaysay nga parada han mga contingents tikang ha 18 nga rehiyon han Pilipinas, kaupod na an National Academy of Sports mgan Philippine Schools Overseas.
Yana nga tuig, nasunod ha tema nga “Unlocking the Future Through Sports” an mao nga pa ugnat han kusog kun diin, ini in sumisimbolo han importante nga papel han sports kumo agianan han kauswagan ngan paglaom han mga kabataan.
Ha lain nga bahin, gin pangunahan naman ni First Filipino Olympic Gold Medalist Mrs. Hidilyn Diaz- Naranjo an Oath of the Officiating Officials han Palarong Pambansa 2026.
Ha mensahe nga igin pahayag ni Agusan del Sur Gov. Santiago “Santi” Cane Jr., gin malatumat hini an iya kalipayan ha pagigin host han probinsya ha Palarong Pambansa 2026.
Subay hini, usa ini ha dako nga oportunidad agud maipakita an kultura, pagkaka-urusa, ngan suporta ha kabataan para ha kabubuwason han nasud.
Samtang, ha video message ni President Ferdinand Marcos Jr., gin aaghat hini an ngatanan nga atleta nga gamiton an Palaro kumo plataporma agud mas maparibhong an disiplina, kamaduruto, ngan sportsmanship.
Nakatalaan naman nga magiiha an Palaro kutob Mayo 31, kundiin, pagbubuhaton an iba-iba nga kompetisyon ha sports sugad han athletics, swimming, basketball, ngan volleyball.
