-- Advertisements --
TACLOBAN CITY – Dead-on-the-spot an usa nga pahinante han truck mahuman nga madat-ugan han nakilikid nga truck nga ginsasakyan hine ha may Brgy. 110 Utap, Tacloban City.
Ginkilala an biktima kan Jonathan Malate, residente han GMA Village, Tacloban City.
Sumala kan Tacloban City Police Office Information Officer PLTCOL Allan Camasin, mayda karga nga mga steel bars an truck tikang ha usa nga depot store ha nasabi nga lugar.
Kun diin, dida han tipagawas na an nasabi nga truck in kumiling ine ha may tipa-ubos nga parte han karsada rason han kakilikid hine.
Mahitungod hine in lumayog daw an nasabi nga pahinante tikadto ha kaparehas nga direksyon han kakilikid han truck rason nga nadat-ugan ine, ngan hinungdan naman han iya dayun nga kamatayon.
