TACLOBAN CITY- Nagpahimatngun an Philippine Pharmacist Association Region VIII Chapter ha mga molupyo han syudad han Tacloban nga mamaghirot ha pagpalit hin mga medisina.
Sumala kan Alexis Yu, President han Philippine Pharmacist Association Region VIII Chapter, ginpapasabot yana an mga tawo nga may-ada aada ha mga tindahan nga peke nga mga medisina kun diin kinahanglan an ngatanan nga maghirot ngan magsigurado hitun ira papalitun.
Iginrerekomenda nga pumalit hin mga medisina ha mga botika o mga lisensyado nga mga paralitan para makasigurado nga dire ine mga peke.
Subay han mao nga opisyal, itun pwede la magbaligya hin mga medisina amo an mga botika o an mga tindahan nga may-ada permit nga retail outlet on non-prescription drug ngan rehistrado gihapon ha FDA.
Dugang pa hine, ginpapaghirot gihapon an ngatanan pagpalit hin mga medisina ha online tungod nga damo na gihapon itun nagsasarang nga mga peke hine.
