METRO MANILA – Gindig-on ni Atty. Levito Baligod nga an pamahayag han Ombudsman nga nagsisiring nga limitado la ha identity verification an awtoridad han National Bureau of Investigation (NBI) in diri bug-os nga nagpapakita hin kamatuoran han naging proseso han imbestigasyon.
Sumala hini nga bisan kun amo ito an orihinal nga sakop, tumugot an iya mga kliyente nga lumahos pa hini, sanglit umabot hin haros tulo ka oras an question-and-answer session an sulod han ira joint affidavit.
Dugang pa ni Baligod, ginmalatumat han Ombudsman nga an “joint narration of facts loses credibility,” kun diin gindig-on niya nga diri ini suportado han mga naeksister nga jurisprudence ha Pilipinas.
Imbes, sumala ha na eksister nga desisyon han Korte Suprema, an magkapariho o consistent nga pamahayag in diri awtomatiko nga suspicious.
Nawawara la an kredibilidad hini kun kontra ini ha normal nga eksperyensya, natural nga batasan han tawo, o pisikal nga balaud.
Ha pagkayana, in padayon pa an imbestigasyon han NBI ha kabug-usan nga testimonya han 18 nga daw anay bodyguard ni anay Ako Bicol Rep. Zaldy Co, kadungan han mga alegasyon hin korapsyon ngan anomaliya ha paggamit han pondo.
