-- Advertisements --
TACLOBAN CITY – Nagin mahapsay, talwas ngan mahimyang, an pagtapo han Bag-o nga tuig 2024 ha probinsiya hiton Leyte.
Sumala kan PCpt. Hazel Vacal, Information officer han Leyte Police Provincial Office, nga iginkakalipay nira nga waray may nahipatik nga insidente maypaghisumpay hiton pabuto o kun mga firecracker related incidents.
Dugang pa hine, nga nakig-kooperar naman an publiko ngan sumunod an mga ine ha ginpalusad nga mga aludayday han ira mga lugar agud magin mahimyang iton selebrasyon han bag-o nga tuig.
Waray gihapon insidente hiton may nagkadadakop nga mga nagbabaligya hin mga ilegal nga paburuthon ha bug-os han Leyte, nga karuyag signgon nga sumunod gihapon ha mga polisiya an mga ine.
