TACLOBAN CITY – Gin-aaghat han City Agriculture Office an mga parag-uma han syudad nga magtanom hin Dragon fruit nga prutas.
Sumala kan Romelo Anade Head han City Agriculture Office han Tacloban, an approach yana ha pan agrikultura in gintatawag nga diversified integrated farming system kun diin dire la nagpopokus ha usa nga commodity ngan tatagan gihapon hin importansya an iba nga commodity nga pwede makapag compliment han income han mga parag-uma.
Subay han mao nga opisyal, maupay ine labi na han mga parag-uma nga mahilig magtanom hin mga prutas.
Gintatawag naman daw ine nga dessert plant nga bisan dire sugad ka fertile iton tuna nga pagtatanuman hine ngan may-ada la baras ngan expose naman ha sirak in naayon ngan maupay iton pagtubo hine.
Dugang pa han mao nga opisyal nga may-ada na mga tanom hin dragon fruit ha diru-dilain nga Brgy. ha Norte han Tacloban pero dire padaw sugad kadamo kun diin gin-aaghat naman niya an iba nga parag-uma nga magtanom na hine prutas.
