Iginduduso yana ha House of Representatives of the Philippines han pira nga kongresista nga ig undang an pagbubutang hin Value Added Tax (VAT) ha kuryente agud mapahamubo an sukot hini ha mga kunsumidor.
Nakasulod ini ha House Bill No. 4926 nga igin salawad nira Representatives Jude Acidre, Yedda Marie Romualdez, Andrew Julian Romualdez, ngan anay House Speaker Martin Romualdez.
Aamyendahan han panukala an National Internal Revenue Code agud himuon nga exempt ha VAT an pamaligya han kuryente han generation, transmission, ngan distribution companies, pati na han electric cooperatives.
Igin punto ha panukala nga an pagpapahamtang han VAT ha kada yugto han power supply chain in nagreresulta ha “compounded tax costs” nga ginpapas-an han mga nakonsumo han kuryente.
Gintatagan-duon gihapon ha panukala nga an pag-ubos ha presyo han kuryente in magpapakusog ha purchasing power han pamilya nga Pilipino ngan magpapahugot ha kapas han mga lokal nga industriya, nga magre-resulta ha paghimo han mga trabaho ngan pag-ursa han ekonomiya.
