Aada na ha 47.42% an lebel han pagsunod han mga retailer ha bug-os nga nasud ha implementasyon han P50 kada kilo nga price ceiling para ha imported rice nga may 5% broken grains.
Gindumara dida han nakalabay an inspeksyon ha magkadurudilain nga merkado ha Metro Manila ngan iba pa nga parte han nasud agud masigurado an pagpapatuman han paghamubo han presyo han bugas.
Ha pagkayana in may kabug-usan nga 36 notices of violation nga ginpandestribwer han Department of Agriculture.
19 ha mga ini nahipatik ha Region I (Ilocos Region), walo ha National Capital Region, upat ha Region III (Central Luzon), tulo ha Negros Island Region, ngan duha ha Region V (Bicol Region).
Ha pagkayana in mas ginpahugot han DA an monitoring ngan enforcement efforts agud masigurado an pagsunod ha mga aludayday han gobyerno kasumpay han rice price cap ngan maproteheran an mga mamaralit kontra ha dire patas nga pag-umento han presyo.
