TACLOBAN CITY – Nagin malinampuson an pagdumara han pagselebrar han National Filipino Elderly Week ngadto han mga Senior Citizens ha usa nga mall ha syudad kun diin ginpanagbalayan ine han Department of Social Welfare and Development (DSWD) kaupod an pira nga mga ahensya han gobyerno sugadhan Department of Health (DOH), Philhealth, City Government han Tacloban ngan an National Commission of Senior Citizens.
Sumala kan Aesther Dadulla, Officer-in-Charge Regional Director han DSWD-Eastern Visayas, ha kaluyo nga mga seniors na ini hira in dako la gihapon an ira maibubulig ha nation building.
Nagtikang an mga magkadurudilain nga mga Senior Citizens ha syudad han Tacloban ngan sugad man gihapon ha bungto han Palo.
Nagkamay-ada naman hin zumba activity kun diin nanayaw an mga kalagasan ngan nagkamay-ada gihapon hira pan check up, pan bakuna han Covid-19 vaccine, libre nga pag avail han medisina ngan may-ada gihapon mga pamulay.
Nagdumara gihapon hira hin orientation hiunong han mga balaod nga igin-latag han gobyerno labi na an parte nga may kalabutan ha ira sugad nala han discounts nga kinahanglan nira ig makuha.
Gin aghat gihapon ni Commissioner Enriqueta Rodeles han National Commission of Senior Citizens nga magpabakuna hin Covid-19 vaccine agud maproteheran an ira kalugaringon kontra han Covid-19.
