-- Advertisements --
TACLOBAN CITY – Nagtikang na yana nga adlaw an pagsasara han mga sementeryo yana nga Undas 2020 agud nga makalikay ha pagkalat ngan pagtapon-tapon han COVID-19 virus.
Sumala kan PCapt Marjorie Manuta, tagapagyakan han TCPO, nga may nagpakadeploy hira nga mga kapulisan nga mahugot nga magbabantay ha tanan nga mga sementeryo ha siyudad.Dugang pa hini nga may pipira pa naman nga nagproprobar nga sumulod ha mga sementeryo bisan nga iginbabawal na pero an mga ini in waray la gihapon magpakasulod.
Manunumduman nga ginsuhestiyon han Inter-Agency Task Force on Emerging Infectious Diseases (IATF) an pagpapasara han tanan nga sementeryo ha bugos nga nasud yana nga UNDAS tinikangan yana nga adlaw kutob Nobyembre 4.
