-- Advertisements --
TACLOBAN CITY – Gin-iistudyuhan pa han Department of Trade and Industry (DTI) an pagrelease han bag-o nga Suggested Retail Price (SRP) ha mga merkado.
Sumala kan Aivi Borbon-Ancheta, Information Officer han Department of Trade and Industry Regional Office 8, an pinakaurhi nga release han SRP in dida pa han Agosto 2022 ngan nakatalaan unta ine nga igrelease yana nga bulan pero mahitungod nga mayda na mga manufacturers an nag-increase han mga presyo in padayun ine nira nga gin-iistudyuhan.
Dugang pa hine, kikitaon pa han ira buhatan kun maipapagawas yana nga bulan an nasabi nga bag-o nga Suggested Retail Price (SRP).
Kaupod naman na ha magigin bag-o nga SRP an mga gin request nga paghitaas han presyo han mga manufacturers.
