Magbibinuligay an mga ahensya han gobyerno agud puypuyon an hurak nga ilegal nga pamaligya han tabako ha bug-os nga nasud.
Pangungunahan han Department of Agriculture ngan National Tobacco Administration an ikatulo nga International Tobacco Summit nga mayda tema nga “Leveraging Growth, Securing Futures: Enhancing Livelihood and Revenue against Illicit Trade” ha Huwebes, Hunyo 18 ha Pasig City.
Nakatutok an summit ha pagbaton ha mga ayat pan-ekonomiya ngan pagkawara han P141 bilyon nga kita han gobyerno mahitungod han ilegal nga pamaligya han tabako ha Pilipinas tikang han 2024 kutob 2025 nga nagresulta hin paghinay han pakabuhi han sektor han agrikultura.
Samtang, ginlalauman naman nga maatender ha summit an opisyal han gobyerno, regulator, law enforcement agencies, mga stakeholders han industriya, ngan mga internasyonal nga eksperto.
