TACLOBAN CITY — Gintagan hin duon han Police Regional Office 8 (PRO8) nga waray pinili o waray exempted ha programa nga “Clean Rider Waray” campaign.
Sumala kan PRO 8 Regional Director PCSupt. Dionardo Carlos, nga bisan an mga kapulisan nga nagtatag-iya motor in kinahanglan nga magparehistro han mao nga kampanya.
Ginpahayag naman hini nga waray may matatalapas nga katungod pantawo han mao nga kampanya kundi mas makakabenepisyo lugod an mga motorista hini mahitungod nga magkakaada hira hin easy access ha mga regular nga checkpoints nga gindudumara han mga kapulisan ngan traffic enforcers.
Mababaruan nga an “Clean Rider Waray” in usa nga kampanya in kasumpay han panuyo ni PNP Chief Director General Oscar Albayalde nga ma-asistaran an mga motorcycle-riding community ha magkadirudilain nga mga checkpoints agud nga masabtan kun hira hin-o an nasunod ha balaud ngan sugad man madakop adton mga suspek hin krimen nga ginkakadabihan han riding in tandem.
