Nagpasalamat hi Senador Panfilo “Ping” Lacson ha malinangpuson nga pagpapabalik ha nasud han 24 nga Pilipino nga napreso ha Russia ha sulod han siyam kabulan.
Sumala kan Lacson, usa ini ha pinakaimportante nga nagin resulta han di pala maiha nga pagbisita ni Presidente Ferdinand Marcos Jr. ha Russia mahuman personal nga igdaop han Presidente kan Russian President Vladimir Putin an kabutang han mga Pilipino.
Ha usa nga pahayag, ginmalatumat ni Lacson nga an paggawas han 24 nga Pinoy in usa nga dako nga kalangpusan nga dire gud natatagan hin pansin han publiko.
Dugang pa, kun waray kaaksyuni an ira sitwasyon, posible nga nag-iha pa ha pagkakapreso ha sinirangan nga parte han Siberia an mga Pilipino.
Umabot ha Ninoy Aquino International Airport (NAIA) Terminal 1 an 24 nga Pilipino ha duha nga magkabulag nga batch tikang ha Bangkok, Thailand.
Subay ha Department of Foreign Affairs (DFA), gindumara an repatriation ha pakikigbinuligay han mga otoridad han Russia, kaupod an Department of Migrant Workers (DMW), ngan Overseas Workers Welfare Administration (OWWA).
Dida han Hwebes, ginkumpirma ni Presidente Marcos nga gintugutan ni Putin an pagpapagawas ha mga Pilipino nga nagta-trabaho kumo cleaners ha Russia.
Subay ha nauna nga report, napreso an mga ini mahitungod ha mga isyu ha immigration mahuman mabiktima hin illegal recruiters.
