NATIONAL – Gin batikos ni Negros Oriental Representative-elect Janice Degamo, asawa han ginpatay nga anay gobernador nga hi Roel Degamo an nagin pagpapadara ha ospital kan former Congressman Arnolfo ‘Arnie’ Teves Jr.
Kun diin gin kwestyon hine an nagin pitad han mga otoridad han dad-on ine ha hospital mahitungod ha gin aabat hine nga sakit.
Pagdududa manggud ni Janice Degamo nga kun sugad ba gihapon an pagtratar ha usa nga regular nga preso ha ilarom han sistema han mga presohan ha nasud.
Sanglit maduon ine nga ginbatikos magin an rason han anay kongresista ha kun kay ano ine gindara, sakay hin usa nga ambulansya tikang ha iya selda tikadto ha pinakaharani nga hospital.
Dugang pa hine, kapoy ngan takas na an ira parte ha mga delaying tactics, pagmumulay, ngan pagda-drama hine samtang gin kakaatubang an lul-on nga kaso.
Kinahanglan daw nga undangan na ine ni former Negros Oriental Representative Arnie Teves Jr. kadungan han utro nga panawagan hine nga mapagbaton na ine agud makab-ot an hustisya.
