NATIONAL NEWS– Naghaon hi Senator Erwin Tulfo hin balaodnon nga nagpapanuyo nga pahamub-an an value-added tax (VAT) tikang ha 12% to 10% kumo baton han padayon nga paghitaas han presyo han papliton ngan serbisyo ha nasud.
Ha ginhaon nga Senate Bill No. 1552 o an balaod nga “VAT Reduction Act of 2025”, in gindig-unan ni Tulfo nga an paghamubo han VAT in direkta nga makakabulig nga mapagurugaan an pas-anon han Pilipino ha mahal nga papliton.
Dugang pa han senador, imbes nga lumaom an mga pinoy ha bulig-pinansyal han gobyerno nga posible makawang matungod han mga natatabo nga kreminalidad, ngan mas maupay nga mapabilin an salapi ha mga bursa han kada Pilipino.
Ginpaangbit gihapon ni Tulfo nga an Pilipinas ngan Indonesia an may pinakahitaas nga VAT ha Timog-Silangang Asya nga parehos ine ada ha 12%, samtang an iba nga nasud in ada an ira VAT ha 7% -10%.
