TACLOBAN CITY – Ginpahibaro han National Telecommunicatin Commission NTC-8 nga dire bawal an pagparehistro hin sobra ha duha nga mga simcards mahitungod mga igbubutang manla gihapon ine ha application form nga ighahatag ha mga users.
Sumala kan Engr. Willie Zabala, Regional Director NTC Regional Office Vlll, waray daw nakasurat dida han balaud nga dire pwede an pagparehistro hin sobra nga mga simcards.
Ha nasabi nga balaud in may-ada gihapon gintatawag nga simcard portability kun diin an imo numero in pwede magamit ha magkaduru-dilain nga mga network ngan dire na kinahanglanon baru-balyo hin bag-o nga numero.
Pangungunahan han mga telcos company, simcard dealers, ngan retailers an pagpaparehistro han mga nasabi nga numero kun diin igpapadara han mga ine an mga registration form agud ma-activate an mga numero.
An mga numero naman nga activated na in dire na daw madide-activate.
Manunumduman nga ginpirmahan ni Presidente Marcos an nasabi nga balaud dida han nakalabay nga Lunes, Oktubre 10 han presente nga tuig.
