Ginpahayag ni human rights lawyer Atty. Neri Colmenares ha eksklusibo nga interbyu han Bombo Radyo nga an pagklaro ha 2/3 vote threshold ha impeachment ni Vice President Sara Duterte in importante agud maproteheran an publiko tikang ha mga korap nga opisyal.
Sumala kan Colmenares, labi na nga waray klaro nga probisyon ha Konstitusyon kun an 2/3 threshold ba in nakabase ha kabug-usan nga ihap han mga aktibo nga senador o kaupod la gihapon an mga waray ha tungkulin.
Mahihinumduman ha ika-23 kaadlaw han impeachment trial, ginhangyo ni Senator-Judge Erwin Tulfo nga klaruhon ini nga isyu tungod ha presente nga sitwasyon han pira nga miyembro han Senado.
Ha pagkayana, nakapaslak ha prisuhan hira Senador Jinggoy Estrada ngan Rodante Marcoleta tungod ha kaso nga plunder samtang nagtatago naman hi Senador Bato de la Rosa kasunod han warrant of arrest tikang ha International Criminal Court (ICC). Labot hini, aadto ha gawas gihapon han nasud ngan naka-medical leave hi Senador Loren Legarda nga waray pa matudlok kun san-o makabalik ha trabaho.
