Kadugangan han pagselebrar han ika-60 nga anibersaryo han Bombo Radyo Philippines, gintatagan hin pagkilala han bug-os nga network hi Dr. Rogelio M. Florete, Chairman ng Florete Group of Companies, nga nagpadayon ngan sobra pa nga nagpaursa ha misyon nga gintikangan han iya tatay nga hi Don Marcelino Florete Sr.
Ha ilarom han iya pagmamangulod, nagin usa an Bombo Radyo Philippines ha pinakamarig-on ngan pinakamatatapuran nga broadcasting institution ha nasud. Ginpahaluag hini an operasyon han network, iginduson an modernisasyon han mga istasyon, ngan ginparig-on an kulturan han propesyunalismo, integridad, ngan serbisyo publiko.
An iya tuluohan nga “Truth is non-negotiable and excellence is the benchmark” an nagserbi nga giya han yinukot-yukot nga mamamahayag, broadcasters, ngan empleyado han Bombo Radyo ha ira kada-adlaw nga trabahuon. Ha ilarom han nasabi nga prinsipyo, padayon nga iginduduso han network an balanse nga komentaryo, patas nga pagbabalita, ngan responsable nga pamamahayag.
Ha iya pagmamagulo, dire la humaluag an sakop han Bombo Radyo ha bug-os nga nasud kundi mas rumig-on an pagtapod han publiko ha network kumo pangunahon nga ginkukuhaan hin balita ngan impormasyon.
Mahitungod ha iya natatangi nga kontribusyon ha industriya han media ngan negosyo, ginkilala hi Dr. Florete kumo Lifetime Achievement Awardee ng Kapisanan ng mga Brodkaster ng Pilipinas (KBP), Captain of Industry in Media ng Philippine Chamber of Commerce and Industry–Western Visayas, ngan kumarawat hin magkadiru-dilain nga mga prestihiyosong pagkilala kaupod an Ninoy Aquino Award for Nationalism, Golden Salakot Award, Diamond Lifetime Achievement Award for Mass Media, Dungog sang Iloilo Award, ngan Business Icon in the Visayas.
Yana, ha pagselebrar han ika-60 nga anibersaryo han Bombo Radyo Philippines, ginkikilala han bug-os nga network an usa nga lider nga an panlantaw, karig-on, ngan dedikasyon an naglatag hin marig-on nga pundasyon han kalangpusan han organisasyon.
Damo nga Salamat, Dr. Rogelio M. Florete.
Ha iya pagmamangulo, an Bombo Radyo in nagin usa pa ha usa nga broadcasting network. Nagin institusyon nga pinaka-gintatapuran han mga Pilipino—usa nga balay han kamatuoran, kakarit, ngan tinuod nga serbisyo publiko.
