-- Advertisements --
NATIONAL – Igindidire la gihapon han Bureau of Fisheries and Aquatic Resources (BFAR) an panakop ngan pagkaon han isda ha probinsya han Cavite.
Subay ha ahensya, dire pa napapanahon nga tanggalon an fishing ban ha nasabi nga probinsya ngan mabalik an mga paru-pangisda ha panakop hine.
Ginbuhat han ahensya an pahayag ha gindumara nga pagdungog han Senate Committee on Environment ni Senadora Cynthia Villar.
Ginmalatumat ni Atty. Angel Encarnacion han BFAR nga basar ha ira pinaka-urhi nga sampling test in nagpapabilin la gihapon an presensya han lana ha katubigan han nasabi nga lugar.
Waray daw gihapon hira sakto nga datos kun san-o pwede tanggalon an fishing ban ha probinsya.
