Ginsuportaran han mga senador an pagkakatudlok kan Dr. Edwin Mercado kumo sekretarya han Department of Health.
Sumala kan Sen. Chiz Escudero, an desisyon han Malakanyang nga magtudlok hin bag-o nga DOH Sec. in naghatag hin kinahanglan nga pagklaro ngan karig-on ha ahensya mahuman maresolba an leadership issue nga nagin tarhog ha pagkakadelatar han implementasyon han Universal Health Care Act.
Nauna na nga gin-aghat ni Escudero an palasyo nga maghimo hin interbensyon agud masigurado an pagpapadayon ha pagpapatuman han UHC program ngan mahitungod may bag-o na nga DOH Sec. mas matatagan hin atensyon an pagpapahalawig han PhilHealth coverage ngan pagpapaupay pa han access ha public ngan private heatlh facilities.
Ginmalatumat naman ni Sen. JV Ejercito nga lauman na an UHC friendly team ha ilarum ni Mercado, positibo hiya nga dako an mai-aamot ni Mercado ha ahensya ngan ha pagduso han reporma kasunod han expertise hini kumo physician ngan healthcare executive han buhatan.
