Gindepensahan han Malakanyang an pagtudlok ni Presidente Fedinand Marcos Jr. kan anay DILG Secretary Benhur Abalos kumo Cabinet Secretary.
Sumala kan Palace Press Officer Claire Castro, sakop han kapas han presidente an pagtudlok hin mga opisyal ngan pagrere-organisa han Executive Branch.
Mahitungod hini, dire na kinahanglan hin panibag-o nga Executive Order para ha appointment ni Abalos.
Ginmalatumat gihapon ni Castro nga gintagan han presidente hin bag-o nga mandato an posisyon han Cabinet Secretary.
Imbes nga magmangulo han mga Cabinet meeting, tututukan ni Abalos an pagsigurado nga naipapaaabot ngan naaabat han mga Pilipino an mga programa ngan serbisyo han gobyerno.
Ginmanduhan gihapon ini nga magin tinaglawas han presidente ha pagbisita ha magkadiru-dilain nga parte han nasud, labi na ha mga lugar nga dire na personal nga makakadtuan ni Presidente Marcos.
