NATIONAL – Himangrawon ha balita ha international community an pagkakadakop kan anay Pres. Rodrigo Duterte kasumpay ha kaso nga crimes against humanity.
Damo nga mga dagko nga international news organization an nagdara ha nasabi nga notisya, sugad han mga Europe-based ngan US-based media organizations.
Utro nga ginbalik han mga ini an mga panhitabo ha Pilipinas samtang aada pa ha serbisyo an anay presidente sugad han drug war, mga kaso han extrajudicial killings nga resulta han nasabi nga kampanya, ngan dire pa nareresolba nga murder cases ngan iba pa.
Ha Netherlands, himangrawon yana ha balita han mga news organization didto an ginbuhat nga pagkatitirok han mga Pilipino ha atubangan han ICC compouds, pira ka-oras ugsa umulpot an eroplano nga ginsasakyan han anay presidente.
Samtang ginbalik gihapon han mga news outlets an nagin relasyon han Pilipinas ngan iba pa nga mga nasud dida han panahon han Duterte Administration kutob han makilala hiya nga “The Punisher” ha international community.
