NATIONAL NEWS– Ginpahayag ni Bishop Gerardo Alminaza han Diocese of San Carlos ha Negros Occidental nga an pagkaka-aresto kan anay pangulong Rodrigo Duterte in usa nga kadaugan han mga yinukot-yukot nga pamilya nga ginbayaan han mga tumalikod na ha kadayunan matungod ha kontrobersyal nga ‘war on drugs’ nga gintikanga ha Davao ngan nagsarang na ha bug-os nga nasud.
Sumala hiton Obispo an pagkaka-aresto daw kan Duterte in mag-aabri hiton dalan para ha hustisya ngan iba pa nga mga may kalabutan ha ‘war on drugs.’
Ginpananglitan gihapon hine an panhitabo nga usa nga malamrag nga paglaom tikang ha mga panahon nga ginpatuman an mga iligal nga pag-patay han anay administrasyong Duterte nga nagdurot hin kahadlok ha nasud.
Ginpahinumdom gihapon ni Almizana, an padayon nga pagtawag han Diocese of San Carlos nga ig-undang na an pagpatay, tungod nga hiya mismo in saksi nga nakakagpaghatag ine hin dire maupay nga epekto ha publiko.
