NATIONAL NEWS– Gin-aprubaran han Kamara de Representantes ha ika-tulo ngan urhi nga pagbasa an balaodnon nga nagdedeklara ha Nobyembre 30 kinada tuig kumo “Jesus Reigns National Day of Worship.”
Ha botos nga 213 nga pabor, waray kumontra ngan 3 nga abstention, iginpasar an House Bill (HB) No. 7368 nga ginduso ni Sarangani Rep. Steven Chiongbian Solon ngan Rizal Rep. Emigdio Tanjuatco III.
Sumala kan House Majority Leader Ferdinand Alexander “Sandro” Marcos, nga nanguna ha pagpasa han bill ha plenaryo, an nasabi nga pitad in pagkilala ha debosyon han mga Pilipino, kun diin 90 porsiyento han populasyon in mga Kristiyano ngan Katoliko.
Panuyo han nasabi nga balaodnon nga mag-alutaga hin espesyal nga adlaw para magpahayag hiton ira pagtuo ngan pag-ampo para ha pagbabag-o hiton nasud.
An selebrasyon in nagtikang ha Cebu ha ilarom han “Jesus Reigns” movement kumo pamaagi ha pagtindog han moral ngan espirituwal nga pundasyon han mga Pilipino.
Magkakamayda kapas an balaod ha sulod han 15 ka-adlaw mahuman ine nga mapagdesisyunan ha Official Gazette.
An Nobyembre 30 in kadungan gihapon ha adlaw hiton Bonifacio Day, pero an bag-o nga balaodnon in magseserbi nga dedikado nga adlaw hiton pagsamba han bug-os nga nasud.
